08 may 13:00
Yangiliklar

Velosport

Toshkentda "Oila kuni"ga bag'ishlangan velotur tashkil qilinadi

Teglar : Velotur

O'zbekiston velosiped sporti Federaciyasi hamda O'zbekiston Xotin-qizlar qo'mitasi 12 may kuni Toshkent shahrida “15-may Xalqaro oila kuni” munosabati bilan “Sog'lom oila – jamiyat boyligi” shiori ostida havaskor xotin-qizlar o'rtasida velotur tashkil qiladi.

Musobaqa 18–30, 31–44 hamda 45 yosh toifalarida bo'lib o'tadi.

Malumot uchun, velotur Toshkent shahar, Yashnobod tumanidagi "Korzinka Aviator" savdo majmuasidan “Mirzo Ulug'bek” ko'chasigacha, “Mirzo Ulug'bek” ko'chasi va “Taraqqiyot” ko'chalari kesishgan joyidan "Korzinka Aviator" savdo majmuasigacha o'tkazilishi belgilangan. Ishtirokchi havaskor xotin-qizlar musobaqada o'z velosipedlari bilan qatnashishlari lozim. Musobaqa ishtirokchilarini ro'yxatdan o'tkazilish soati 07:00 dan 09:00 gacha bo'lib o'tadi. Musobaqa 10:00 da boshlanadi.

Tashkilotchilar bilan bog'lanish uchun: O'zbekiston Xotin-qizlar qo'mitasi (+99871- 244-03-80), O'zbekiston velosiped sporti Federaciyasi (+99871-237-47-44).