Toshkentda Osiyo karate federaciyasining Kongressi va Ijroqo'm saylovi o'tkazilmoqda + FOTO

Ana shu nufuzli musobaqa oldidan poytaxtimiz Osiyo karate federaciyasining Kongressi va Ijroqo'm sayloviga mezbonlik qilmoqda. Bugun Toshkent shahridagi "International" mehmonxonasida o'tkazilgan yig'ilishda Butunjahon karate federaciyasi prezidenti Antonio Espinoza, O'zbekiston Milliy olimpiya qo'mitasi prezidenti Rustam SHoabdurahmonov, O'zbekiston Jismoniy tarbiya va sport vazirining birinchi o'rinbosari Oybek Kasimov, O'zbekiston karate Milliy federaciyasi raisi Alamjon Mullaev, WKF, AKF mutasaddilari va boshqalar ishtirok etishdi. 

Yig'ilish davomida O'zbekiston Milliy olimpiya qo'mitasi prezidenti Rustam SHoabdurahmonov so'zga chiqib, yurtimiz ana shunday nufuzli musobaqaga mezbonlik qilishdan xursand ekanligi, mamlakatimiz rahbari boshchiligida O'zbekistonda sportga katta etibor qaratilayotganligini aytib o'tdi. Bundan tashqari yig'ilish davomida Antonio Espinoza, Oybek Kasimov, Alamjon Mullaevlar so'zga chiqib, o'zlarining eng samimiy tilaklarini bildirib o'tishdi.

AKFning ushbu 14-Kongressida tashkilotning 2019-2023 yillar uchun rahbar saylash, Ijroqo'm azolari saylanishi kutilmoqda. 

O'zbekiston karate Milliy federaciyasi matbuot xizmati