Toshkentda Osiyo velosport konfederaciyasining Kongressi o'tkazildi FOTOGALEREYA

Unda yigirmaga yaqin mamlakat federaciyalari rahbarlari, sport uyushmalari va kompaniyalari vakillari ishtirok etdi. 

Kongressda O'zbekiston Respublikasi Bosh vaziri o'rinbosari, Xotin-qizlar qo'mitasi raisi, mamlakat velosiped sporti federaciyasi raisi T.Norboeva va boshqalar mamlakatimizda Olimpiya sport turlari, jumladan, velosportni jadal rivojlantirish uchun keng imkoniyatlar yaratilayotganini takidladi.

Tadbirda 2020 yili Tokio shahrida (Yaponiya) bo'lib o'tadigan XXXII yozgi Olimpiya va XVI Paralimpiya o'yinlariga tayyorgarlik jarayoni, shu yili sentyabrda bo'ladigan Xalqaro kongressda ko'riladigan masalalar, 2020-2021 yillarda Osiyo chempionatini o'tkazish bo'yicha mezbonlik qiluvchi davlatlarni aniqlash, shuningdek, 2018 yilda Osiyo velosport konfederaciyasi (ASS) tomonidan amalga oshirilgan ishlar, erishilgan yutuq va kamchiliklar sarhisob qilindi.

Unga ko'ra, velosportning shosse yo'nalishi bo'yicha 2020 yilgi Osiyo chempionati Malayziyada o'tishi belgilandi. 2021 yilgi mazkur musobaqaga Birlashgan Arab Amirliklari mezbonlik qiladigan bo'ldi.

Suratlar muallifi - Alimurod Mamadaminov