Toshkentda zamonaviy kamondan otish sport bazasi barpo etildi

Yangi bazaning ochilish marosimida O'zbekiston Milliy olimpiya qo'mitasi prezidenti Rustam SHoabdurahmonov, Jismoniy tarbiya va sport vazirining birinchi o'rinbosari Oybek Kasimov, Butunjaxon etnosport Konfederaciyasi prezidenti Najmiddin Bilol Erdog'an va keng sport jamoatchiligi ishtirok etdi. 

Ochilish marosimida faxriy mehmonlar barpo etilgan yangi baza imkoniyatlari bilan yaqindan tanishib, tinchlik, erkinlik va do'stlik ramzi bo'lgan kabutarlarni musaffo osmonimiz uzra parvozga qo'yib yuborishdi. 

Baza 2 qavatli bino hamda mashg'ulot maydonidan iborat. Maydonda merganlarimiz jahon standartlari asosida 70 metr va boshqa masofalarga mashg'ulot olib borish imkoniyatiga ega. 

Binoning birinchi qavati O'zbekiston kamondan otish federaciyasi ofisi sifatida faoliyat ko'rsatsa, ikkinchi qavati barcha sharoitlarni mujassamlashtirgan yotoqxonadan iborat. 

Turkiyadan tashrif buyurgan martabali mehmonlar kun davomida shuningdek, poytaxtimizda barpo etilayotgan Islom civilizaciyasi markaziga tashrif buyurib, uning imkoniyatlari, faoliyati bilan yaqindan tanishishdi. Ularga o'zbek xalqining buyuk tarixi va boy madaniy merosi xaqida hikoya qilib berildi.