17 may 10:31
Yangiliklar

Kikboksing

Turkiyada 33 ta medal qo'lga kiritgan kikbokschilarimiz tantanali kutib olindi + FOTO

Bugun erta tongda Turkiyaning Istanbul shahrida o'tkazilgan kikboks bo'yicha 7-xalqaro Jahon kubogi musobaqasida munosib ishtirok etgan sportchilarimiz mamlakatimizga qaytib kelishdi.

Kikbokschilarimizni Islom Karimov nomidagi Toshkent xalqaro aeroportida Sportni rivojlantirish vaziri o'rinbosari Abdullo Aslonov, O'zbekiston kikboksing federasiyasi rahbariyati hamda OAV vakillari tantanali ravishda kutib olishdi.

12-15-may kunlari o'smirlar, yoshlar va kattalar o'rtasida bo'lib o'tgan ushbu nufuzli musobaqada jahonning 50 dan ortiq davlatidan jami 3 300 nafar sportchi g'oliblik uchun bahs olib bordi.Unda Vatanimiz sharafini 62 nafar sportchi 6 ta yo'nalishda munosib himoya qildilar.

Yakunda kikbokschilarimiz O'zbekistonga 8 ta oltin, 13 ta kumush, 12 ta bronza, jami 33 ta medal bilan qaytishdi.