"U bilan hammasi tamom bo'lgan". Overim Makgregor haqida

"Uning organizmi besh yil avval ham toliqqan edi, shuning uchun uning qaytishi men uchun UFC ko'magida pul ishlashga bo'lgan urinishdan boshqa narsa emasdi. Men u uchun yakkakurashlarda hech qanday istiqbol ko'rmayapman. U bilan hammasi tamom. O'ylaymanki, chuqurroq qarash kerak: agar sen jang qilmoqchi bo'lsang yoki umuman professional sportchi bo'lsang, malum bir turmush tarziga amal qilishing shart. Doimiy ravishda bazmlarda qatnashib, spirtli ichimliklar ichib bo'lmaydi. Tartib-intizomga rioya qilish kerak, uning holatida esa men buni ko'rmayapman.

Uning yuziga qarang. Agar o'zingiz jangchi bo'lsangiz, boshqa odamga qarab, u bilan nimalar bo'layotganini taxminan tushunib olasiz. U endi avvalgi yigit emas. U endi jangchi emas. Ha, shunchaki jangchi emas. Ishonchim komilki, u hali ham qaysidir yangi kelgan jangchini yaxshilab urib qo'yishga qodir. Ammo eng yuqori darajada chiqish qila olmaydi. Barcha hurmatimni saqlagan holda aytamanki, men u uchun bunday imkoniyatni boshqa ko'rmayapman", — deya Overimning so'zlarini keltiradi Bloody Elbow portali.