"U butun umri davomida shu ish bilan shug'ullanib kelgan". Jeyk Pol Eddi Xirnni yolg'onchilikda aybladi

Amanda Serranoning agenti Jeyk Pol, mijozi may oyida Keti Teylorni mag'lub etishiga ishongani sababli Teylorning agenti Eddi Xirn bilan garov bog'lamoqchi bo'lgan.

Jang oldi Serrano - Teylor o'rtasida qizg'in muzokaralar bo'lib o'tdi. Xirn Saul Alvares bilan taxminiy jang haqida gap ketganida Jeyk Polni "o'rtacha bokschi" deb atagan edi.

Yakunda Teylor Serranoni mag'lub etib, engil vaznda mutlaq chempionlik unvonini saqlab qoldi.

MMA Fightingʻga bergan intervyusida Jeyk Xirn ilk uchrashuvdan so'ng ancha o'zgarganini va unga ishonch yo'qligini takidladi.

"Boksdagi barcha insonlar, jumladan Eddi Xirn xam ilonning o'zi. U oddiy promouter xolos. Biznes bilan shug'ullanuvchi yolg'onchi. Eddi Xirnning asl yuzini ko'rish uchun biroz vaqt kerak bo'ldi. U ikkiyuzlamachi. Xirn menga hasad qiladi.

Masalan, Serrano - Teylor jangiga pul tikkanimizni misol qilaylik. To'satdan sahnadan ketayotganimda, Eddi haqiqatan ham pul tikishni xohlamayotganini eshitdim. Men yangi yosh promouterman va undan yaxshiroqman. Xirn butun umri davomida shu ish bilan shug'ullanib kelayotgan bo'lishiga qaramay mening platformam unikidan 20 baravar katta", — dedi Jeyk Pol.

Jeyk Pol Xirn garovni rad etganidan hayratda edi. Keyinchalik qoidalarga ko'ra bu mumkin emasligi malum bo'ldi. Sababi promouterlar o'z janglariga pul tikishi mumkin emas. Xirn o'sha boshidan buni takidlagan edi.