Uaylder Usikka qarshi jang haqida: "Umid qilamanki, u o'z so'zida turadi"

Amerikalik bokschining so'zlariga ko'ra, 15 oktyabr kuni navbatdagi jangida u Robert Xeleniusni mag'lub etganidan so'ng, ukrainalik bokschiga qarshi ringga ko'tariladi.

"To'g'ridan-to'g'ri chempionlik jangi o'tkazish niyatidaman. Xeleniusga qarshi jang oqshomiga Aleksandr Usik kelishini va Robert g'alaba qozonsa, u majburiy davogarga aylanishini eshitdim. Usik jang g'olibiga qarshi kurashishini aytdi. Men uni qadrlayman va umid qilamanki, Usik o'z so'zida turadi. Xeleniusni mag'lub etganimdan so'ng, Usik va men uning barcha kamarlari uchun kurashamiz.

Faoliyatim davomida boshqa bokschilar bilan chempion sifatida kurashganman, shuning uchun boshqa tomonda bo'lish yoqimli. Bu erga kelish uchun ko'p narsani boshdan kechirdim. SHuning uchun Usikka qarshi jang ajoyib bo'lishi aniq. Lekin Xeleniusga past baho berish kerak emas. Usikdan keyin ham ajoyib to'qnashuvlar, jumladan, Endi Ruis bilan ham jang bo'ladi", - deya Uaylderning so'zlarini keltiradi Mirror.

Avvalroq, menejer Egis Klimas Usik — Fyuri jangi tashkil etilmasa, ukrainalikning Deontey Uaylder bilan jang o'tkazish niyati borligini aytgandi.