Uch dzyudochimiz ikkita medal uchun tatamiga chiqadi (+saralash bahslarida galereya )

Terma jamoamiz azolaridan uch nafari kechki final dasturida medallar uchun kurashni davom ettirish huquqini qo'lga kiritdi. Ulardan ikki nafari - Suhrob Tursunov va Murodjon Yo'ldoshev -81 kg vazn toifasining birinchi bronza medali uchun o'zaro bahs olib borishadi. O'ziga xos o'zbek derbisi yakunida bronza medali aniq O'zbekistonga ketadi.

Yurtimiz sharafini -73 kg vazn toifasida himoya qilayotgan Hojiakbar Toshev ham Murodjon Yo'ldoshev singari 1/2 finalda yutqazib qo'ydi. Endi u bronza medali uchun franciyalik Benjamin Aksusga qarshi tatamiga chiqadi. Final dasturi soat 17:00da boshlanadi. Undan oldin esa musobaqaning tantanali ochilish marosimi o'tkaziladi.