10 jan 16:15
Yangiliklar

Boks/MMA

UFC Bogdan Guskovning jangini rasman elon qildi + POSTER

Yarim og'ir vazn toifasida o'zbekistonlik UFC jangchisi Bogdan Guskovning navbatdagi jangi rasman tasdiqlandi.

Guskov UFC'dagi ikkinchi jangini 11 fevral kuni Las-Vegasdagi (AQSH) UFC Fight Night turniri doirasida o'tkazadi. Unga amerikalik Zak Pauga raqiblik qiladi.

UFC matbuot xizmati jangni rasman elon qildi.

31 yoshli Bogdan Guskov faoliyati davomida 17 ta jang o'tkazib, ularning 14 tasida g'alaba qozongan, 3 ta jangda imkoniyatni boy bergan. U UFC'da bitta jang o'tkazgan. Volkan Ozdemirga qarshi kechgan debyut jangida Bogdan ilk raundda mag'lubiyatga uchragan edi.

35 yoshli Zak Pauga esa karerasida 8 ta jang o'tkazgan. Uning hisobida 6 g'alaba va 2 mag'lubiyat mavjud. UFC'da 3 ta jang o'tkazib, bitta g'alaba va ikkita mag'lubiyat qayd etgan.