"UFC Maxachev-CHimaev jangining o'tkazilishiga yo'l qo'ymaydi" - Islamning jamoadoshi

Maxachevning jamoadoshi Josh Tomsonning aytishicha, bu jang o'tkazilmaydi. Uning amalga oshishiga Dana Uayt boshchiligidagi UFC bosslarining o'zi yo'l qo'ymaydi. 

"Kelinglar, ochiq gaplashamiz – UFC CHimaevga yarimo'rta vaznga tushishiga ruxsat bermaydi. Ular hech qachon Islam va Xamzatning o'zaro jangining o'tkazilishiga yo'l qo'yishmaydi. Ularning javoblari taxminan shunday bo'ladi: "Agar oldinga siljishni istasang – yuqori tomonga harakatlan. Avval yarimog'ir, keyin esa og'ir vazn toifasiga o'tib, chempionlik kamarlari uchun imkoniyatingni sinab ko'r. Senda og'ir vaznlilarni mag'lub etadigan quroling - kurashing bor. Faqat buning uchun to'g'ri vazn olishga etibor qaratishing lozim. Boshlanishiga yarimog'ir vaznga ko'taril. Sen aniq bu vazn chempioni bo'la olasan". Ular yarimo'rta vazn variantni ko'rib chiqishadi deb o'ylamayman. Bu allaqachon bosib o'tilgan bosqich. 

CHimaevning jangidan xulosa: vazn tashlash kerak bo'lmaganda, uning kardiosi yaxshi ishlaydi. Va yana bir jihat bor: u o'rta vazn toifasida kamarni qo'lga kiritgach, yarimo'rta vazn toifasiga o'tib, u erda yutqazsa, bu o'rta vazn toifasidagi unvonning qiymatini pasaytiradi. Yarimo'rta divizion jangchisiga yutqazish yomonroq ko'rinadi va qabul qilinadi", - dedi amerikalik Josh Tompson Jon Makkarti bilan qo'shma podkastning navbatdagi sonida.