01 dek 11:43
Yangiliklar

Olimpiya o'yinlari

Ukraina MOQ yoshlar olimpiadasi sovrindorlariga stipendiya joriy qildi - kattagina summa!

Ukraina milliy olimpiya qo'mitasi shu yil Argentinada o'tgan O'smirlar Olimpiadasi sovrindorlariga stipendiya joriy qildi.

Unga ko'ra, sovrindor sportchilar hamda ularning murabbiylari bir yilda taxminan 1 million grivenga ega bo'lishadi. Bu bizning pulda taxminan 294 508 672 so'm deganidir.

O'smirlar Olimpiadasi sovrindorlari bir yilda 35 473,57 AQSH dollarini qo'lga kiritishadi. SHunda bir oyda sportchi va murabbiylar 2956 dollar stipendiya olishadi.

Takidlash joiz, afsonaviy atlet Sergey Bubka rahbarlik qilayotgan Ukraina milliy olimpiya qo'mitasi 2010 yildan to shu kungacha o'tgan O'smirlar va kattalar Olimpiadasi, O'smirlar hamda kattalar o'rtasidagi Evropa o'yinlari g'olib va sovrindorlariga stipendiyalar berib kelmoqda.

Malumot uchun, Ukraina terma jamoasi Buenos-Ayresda o'tgan O'smirlar Olimpiadasida 7ta oltin, 8ta kumush, 8ta bronza, jami 23ta medal qo'lga kiritgan edi.