Ukrainalik kurashchi rossiyalik hamkasbi bilan rasmga tushishni istamadi

Erkin kurash bo'yicha jahon chempionati finalida Axmed Usmonov 79 kg vazn toifasida gruziyalik Vladimir Gamkrelidzeni mag'lub qildi va oltin medalga ega chiqdi. Bronza medallar esa ukrainalik Vasiliy Mixaylov va eronlik Muhammad Noxodilarimiga nasib qildi.

Taqdirlash marosimi yakunlanganidan keyin sportchilar jahon chempioni bilan rasmga tushmoqchi bo'lishdi, biroq Mixaylov rad javobini berdi.

Jahon chempionati Belgradda o'tkazilmoqda. Rossiyalik sportchilar esa betaraf maqomda ushbu turnirda ishtirok etishyapti.