Ulamo va imom domlalar ishtirokida stol tennisi musobaqasi o'tkazildi FOTOGALEREYA

Xabaringiz bor, O'zbekiston musulmonlari idorasi Toshkent shahar vakilligi, O'zbekiston stol tennisi federaciyasi Toshkent shahar hududiy bo'limi hamda Toshkent shahar yoshlar siyosati va sport bosh boshqarmasi hamkorligida stol tennisi musobaqasi tashkil etildi.

Kecha ana shu musobaqaning Toshkent shahar bosqichi, yani final o'yinlari bo'lib o'tdi. Tadbirda Toshkent shahar bosh imom-xatibi Abduqahhor domla Yunusov ishtirok etib, musobaqani kirish so'zi bilan ochib berdilar.

Tabiiyki, har bir musobaqada g'oliblar aniqlanadi. Bu bellashuvlarda ham g'alaba kuchlilarga, tajribalilarga kulib boqdi.

Hakamlar hayati azolarining xulosasiga ko'ra:

1-o'rin. Dilshodbek domla Umirtoev (SHayxontohur tumani);

2-o'rin. Rahmatulloh domla Hikmatullaev (Mirzo Ulug'bek tumani);

3-o'rin. O'ktam domla Mahkamov (Sergeli tumani) 

SHuningdek, musobaqada turli nominaciyalar bo'yicha ham g'oliblar aniqlandi:

"Faol ishtiroki uchun" nominaciyasiga Javlonbek Xoliqov (CHilonzor tumani);

"Yaxshi texnikasi uchun" nominaciyasiga Dilshod Idrisov (Uchtepa tumani);

"G'alabaga bo'lgan irodasi uchun" nominaciyasiga esa Mirjalol Akromov (Yunusobod tumani) loyiq ko'rildi.

Musobaqa g'oliblari tashkilotchi va homiylarning qimmatbaho esdalik sovg'alari hamda tashakkurnomalar bilan taqdirlandi.