Umar Nurmagomedov sobiq UFC chempioniga "vyzov" tashladi

U o'ta engil vazn toifasida sobiq chempion Deyveson Figeredoga qarshi jang qilish istagini bildirdi. Figeredo yaqindagina o'zi uchun yangi vaznda debyut qilgandi. 

"Deyveson Figeredo", - deya o'zining ijtimoiy tarmoqdagi sahifasida qisqa xabar qoldirgan Umar. 

Ushbu post ostidagi izohlarda muxlislardan biri Nurmagomedovdan UFC`da 6 ta g'alabali seriya bilan kelayotgan Jonatan Martinez bilan jang o'tkazishni taklif qilgan. Umar bu taklifga ham qisqa va lo'nda javob bergan: "Istalgan vaqtda"  

Dekabr oyi boshida Deyveson Figeredo hakamlarning yakdil qarori bilan Rob Fontni mag'lubiyatga uchratgan edi. Bu g'alabadan keyin u o'zi uchun yangi reytingda 8-o'ringa ko'tarilib olgandi. Jonatan Martinez esa oktyabr oyida divizonning 12-pog'onasida borayotgan Edrian Yanizni nokautga uchratgandi. 

Umar Nurmagomedov UFC oktagonida 4 ta jang o'tkazib, barchasida zafar quchgan. So'nggi jangida braziliyalik Raoni Barselosni birinchi raundning o'zida nokautga uchratgan edi. Aslida rossiyalik avgust oyida amerikalik Kori Sendxagenga qarshi jang o'tkazishi kerak edi. Ammo Umarning jarohati sabab bu jang bekor bo'lgandi. Katta ehtimol bilan Koriga qarshi jang davogarlik maqomida bo'lishi kerak edi.