06 sen 11:58
Yangiliklar

Tennis

US Open 1/2 finalida kutilmagan tennischi

Teglar : US Open Frensis Tiafo Ben SHelton

Nyu-York shahri mezbonlik qilayotgan "Katta Dubulg'a" turkumiga kiruvchi AQSH Ochiq chempionati kutilmagan natijalarga boy bo'lmoqda.

Erkaklar o'rtasidagi musobaqada dunyoning o'ninchi raketkasi, amerikalik Frensis Tiafo ATP reytingida 47-pog'onadan joy olgan vatandoshi Ben SHeltonga 2/6, 6/3, 6/7(7), 2/6 hisoblarida yutqazib qo'ydi. Bu tennischilarning o'zaro o'tkazgan ilk uchrashuvi edi.

Uchrashuv statistikasi:

Eyslar: Tiafo 7, SHelton 14

Qo'shxatolar: Tiafo 4, SHelton 11

Breyklar: Tiafo 4, SHelton 7.

Ben SHelton faoliyatida ilk bor "Katta Dubulg'a" turniri 1/2 finaliga etib keldi. Endi u US Open final chiptasi uchun dunyoning ikkinchi raketkasi, serbiyalik afsona Novak Jokovichga qarshi kortga chiqadi. Natijadan qatiy nazar u yangilangan reytingda Top-20`talikda debyut qiladi.