22 avg 09:29
Yangiliklar
Tennis
US Open 2023. Nigina Abduraimova saralashdagi raqibasini bilib oldi
Nyu-York shahri mezbonlik qiladigan "Katta Dubulg'a" turkumiga kiruvchi AQSH Ochiq chempionatining saralash turniriga qura tashlandi.
Ushbu yilning to'rtta nufuzli musobaqasidan birida hamyurtimiz Nigina Abduraimova ham o'z omadini sinab ko'radi. Mamlakatimizning birinchi raketkasi qura natijasiga ko'ra, saralashning ilk davrasida slovakiyalik Rebekka SHramkovaga qarshi kortga chiqadigan bo'ldi.
Taqqoslash uchun, ayni paytda 29 yoshli Abduraimova WTA reytingida 197, 26 yashar SHramkova esa 153-o'rinni egallab turibdi. Tennischilar o'zaro bir marotaba uchrashishgan. O'tgan yilning 17 noyabr kuni Bratislavadagi turnirning 1/8 finali doirasida kechgan bahsda Nigina mezbon raqibasini 6/2, 6/4 hisobida mag'lubiyatga uchratgan edi.
US Open saralash bosqichi doirasidagi uchrashuv esa bizning vaqt bilan bugun tungi soat 01:30da boshlanadi.
Havola :
Manba : olamsport.com
Fikrlar