02 sen 09:07
Yangiliklar

Tennis

US Open. Amaldagi chempionning g'alabasiga 50 daqiqa kifoya qildi

Nyu-York shahrida tennis bo'yicha "Katta Dubulg'a" turkumiga kiruvchi AQSH Ochiq chempionati davom etmoqda.

Musobaqaning amaldagi g'olibasi Iga Svyontek 1/16 finaldagi raqibasiga bittagina geym yutib olish imkonini berdi. Dunyoning birinchi raqamli tennis malikasi 50 daqiqa davom etgan bahsda WTA reytingida 145-pog'onada borayotgan sloveniyalik Kayya Yuvanni 6/0, 6/1 hisobida taslim etdi.

Polshalik tennischi o'zaro uchrashuvlardagi hisobni yiriklashtirdi - 3:0. Ikkala tennischi ham eys zarbasini amalga oshira olmadi. Breyklar bo'yicha Svyontek mutlaq peshqadam bo'ldi - 5 ga 0!