30 avg 12:00
Yangiliklar

Tennis

US Open. Arina Sobolenkoning yurishi boshlandi

AQSHning Nyu-York shahri mezbonlik qilayotgan "Katta Dubulg'a" turkumiga kiruvchi US Open turnirida ikkinchi davra ishtirokchilari aniqlanmoqda.

Sayyoramizning ikkinchi raqamli tennis malikasi Arina Sobolenko musobaqadagi ishtirokini g'alaba bilan boshlab oldi. Belaruslik tennischi 79 daqiqa davom etgan bahsda WTA reytingida 112-pog'onada borayotgan belgiyalik Marina Zanevskayani ortiqcha qiyinchiliksiz mag'lubiyatga uchratdi - 6/3, 6/2.

Bu tennischilarning o'zaro o'tkazgan ilk uchrashuvi edi. Sobolenko 9, Zanevskaya 3 ta eys zarbasini amalga oshirgan. Qo'shxatolar Arinada ko'proq bo'ldi - 8 ga 6. Belaruslik 6, belgiyalik tennischi esa 3 ta breykka erishdi. Sobolenkoning US Open ikkinchi davrasidagi raqibasi britaniyalik Jodi Anna Byorredj bo'ladi.