30 avg 13:24
Yangiliklar

Tennis

US Open. Donna Vekich 204-raketkaga yutqazib qo'ydi

Nyu-York shahri mezbonlik qilayotgan AQSH Ochiq chempionatining birinchi davra bahslaridayoq kutilmagan natijalar ko'p qayd etilmoqda.

Jumladan, dunyoning 22-raketkasi, xorvatiyalik Donna Vekich WTA reytingida 204-pog'onada borayotgan amerikalik Sachii Vikeriga imkoniyatni boy berib qo'ydi - 6/2, 5/7, 2/6. Bu tennischilarning o'zaro o'tkazgan ilk uchrashuvi edi.

Ikki soatu 22 daqiqa davom etgan bahsda Vekich 6, Vikeri 7 ta eys zarbasini amalga oshirdi. Qo'shxatolar Donnada ko'proq bo'ldi - 7 ga 2. Endi Vikeri ikkinchi bosqichda belgiyalik Greete Minnenga qarshi kortga chiqadi. Minnen birinchi davrada amerikalik tajribali raqibasi Vinus Uilyamsga hech qanday imkoniyat qoldirmadi - 6/1, 6/1.