04 sen 10:47
Yangiliklar

Tennis

US Open. Iga Svyontek chempionlik unvonini himoya qila olmadi

Sayyoramizning birinchi raketkasi Iga Svyontek "Katta Dubulg'a" turkumiga kiruvchi AQSH Ochiq chempionatidagi ishtirokini muddatidan avval yakunladi.

Polshalik tennis malikasi to'rtinchi davrada WTA reytingida 21-pog'onada borayotgan latviyalik Elena Ostapenkoga 6/3, 3/6, 1/6 hisoblarida imkoniyatni boy berib qo'ydi. Iga US Open turnirining amaldagi chempioni edi.

Tennischilarning o'zaro uchrashuvlaridagi hisob yanada yiriklashdi - 4:0. Ostapenko Svyontek uchun noqulay raqibligicha qolmoqda. Bir soatu 49 daqiqa davom etgan bahsda Iga 3. Elena 7 ta eys zarbani amalga oshirgan. Qo'shxatolar ikkala tennischida ham 3 tadan bo'ldi. Breyklar 7 ga 4, latviyalik tennischi foydasiga. Endi Ostapenko US Open 1/4 finalida amerikalik Kori Goffga qarshi kortga chiqadi.