US Open. Rublyov Gael Monfisni musobaqadan chiqarib yubordi

Dunyoning sakkizinchi raketkasi Andrey Rublyov ushbu bosqichdan ham muvaffaqiyatli o'tib oldi. Rossiyalik tennischi ATP reytingida 162-pog'onada borayotgan franciyalik Gael Monfisni to'rt set natijasiga ko'ra mag'lubiyatga uchratdi - 6/4, 6/3, 3/6, 6/1. 

Rublyov tennischilarning o'zaro uchrashuvlarida hisobda oldinga chiqdi - 2:1. Ikki soatu 23 daqiqa davom etgan bahsda Andrey 3, Gael 8 ta eys zarbani amalga oshirgan. Qo'shxatolar Monfisda juda ko'p bo'ldi - 13 ga 2. Endi Rublyov 1/16 finalda yana bir francuz tennischisi Artur Rinderknexga qarshi kortga chiqadi.