US Open. Sinner - Zverev uchrashuvi 4 soatu 41 daqiqa davom etdi

Erkaklar o'rtasidagi musobaqaning Yannik Sinner va Aleksandr Zverev o'rtasidagi to'rtinchi davra uchrashuvi g'olibi besh setda aniqlandi. To'rt soatu 41 daqiqa davom etgan bahsda dunyoning oltinchi raketkasi bo'lib turgan italiyalik Yannik Sinner ATP reytingida 12-o'rinni egallab turgan germaniyalik Aleksandr Zverevga imkoniyatni boy berib qo'ydi - 4/6, 6/3, 2/6, 6/4, 3/6.

Sinner o'zaro uchrashuvlardagi to'rtinchi mag'lubiyatini qabul qilib oldi - 1:4. Yannik 12, Zverev 16 ta eys zarbani ijro etgan. Qo'shxatolar Sinnerda bittaga ko'proq bo'ldi - 7 ga 6. Italiyalik 4, germaniyalik tennischi esa 6 ta brekyni amalga oshirdi. Endi Zverev 1/4 finalda dunyoning birinchi raketkasi, musobaqaning amaldagi chempioni, ispaniyalik Karlos Alkarazga qarshi kortga chiqadi.