01 sen 18:57
Yangiliklar

Tennis

US Open. Xubert Gurkach 123-raketkaga yutqazib qo'ydi

Dunyoning 17-raketkasi Xubert Gurkach "Katta Dubulg'a" turkumiga kiruvchi AQSH Ochiq chempionatidagi ishtirokini yakunladi.

Polshalik tennischi ikkinchi davrada reytingning 123-pog'onasida borayotgan britaniyalik Jek Dreyperga kutilmaganda 2/6, 4/6, 5/7 hisoblarida imkoniyatni boy berib qo'ydi. Bu Jekning o'zaro uchrashuvlardagi ilk g'alabasi bo'ldi - 1:2.

Ikki soatu 9 daqiqa davom etgan bahsda Gurkach 8, Dreyper 4 ta eys zarbani amalga oshirdi. US Open turnirida oltinchi bor ishtirok etgan Xubert beshinchi marotaba aynan ikkinchi davrada mag'lubiyatga uchradi. 2019 yilgi musobaqada esa ilk davradayoq muxlislar qatoridan joy olgan edi. Qolgan "Katta Dubulg'a" turnirlarida esa kamida 1/8 finalgacha etib borgandi.