US Open yakunlariga ko'ra to'rttala tasnifda ham reyting peshqadamlari o'zgaradi

Etiborga molik jihati shundaki, musobaqaning qolgan o'yinlaridagi ntijalaridan qatiy nazar to'rttala reyting tasnifida ham peshqadamlar o'zgaradi. Yarim finalga etib kelgan Novak Jokovich o'zi va ayni paytdagi karvonboshi Karlos Alkaraz keyingi uchrashuvlarda qanday natija qayd etishidan qatiy nazar ATP reytingida birinchi o'ringa ko'tarilib oladi. 

Ispaniyalik tennischi ham yarim finalda kortga chiqadi. Aynan u AQSH Ochiq chempionatining amaldagi g'olibi hisoblanadi. Erkaklar juftlik reytingida Ostin Kraychek hozir birinchi o'rinni egallab turgan Nil Skupskini almashtiradi.

WTA ayollar reytingida belaruslik Arina Sobolenko sayyoramizning birinchi raqamli tennis malikasiga aylanadi. Yana uch kunlik peshqadamligi qolgan Iga Svyontek US Open turniridagi ishtirokini muddatidan ancha avval yakunlagan edi. 

Ayollarning juftlik reytingida hozircha Katerjina Sinyakova karvonboshi. Uning o'rnini Kori Goff yoki Jessika Pegula egallaydi. Buning uchun ular chorak finalda Se Su-Vey va Sin YU Vanni mag'lub etishlari lozim. Agar bu g'alaba amalga oshmay qolsa, Se Su-Veyda imkoniyat ortadi. Faqat buning uchun Vey musobaqa chempioni bo'lishi shart.