Usik nimaning hisobiga jahon chempioni bo'lganini ochiqladi

Mag'lubiyat va murosa nimaligini bilmay kelayotgan ukrainalik 38 yoshli Aleksandr Usik hayotda hech narsa osonlikcha kelmasligini urg'ulamoqda.

"Hayotda hech narsa osonlikcha kelmaydi. Bolaligimdan intizom, sabr-toqat va fidoyilik tamoyillariga amal qildim. Bu qadriyatlar meni shakllantirdi va hamon qiyin damlarda qo'llab-quvvatlashda davom etmoqda. Intizom mening ilhom manbaim, oldinga intilishim uchun turtki va sinovli daqiqalarda tayanchimdir. Uning sharofati bilan katta yutuqlarga erishdim: Olimpiada oltin medalini qo'lga kiritdim, prof boksning ikki vazn toifasida mutlaq jahon chempioni bo'ldim.

Ammo men hech qachon yolg'iz jang qilmayman. Har safar ringga chiqqanimda, menga ishongan odamlar meni qo'llab-quvvatlaydi. Bu kamarlar shunchaki temir yoki charm bo'laklari emas. Ular ko'p yillik mehnat, fidoyilik va intizom natijasidir. Har bir tong, har bir raund, har bir shubhali lahza - bularning barchasi meni ularni zabt etishga olib keldi", - deb yozdi Usik o'zining telegram-kanalida.