Vasiliy Lomachenko Kommiga qarshi jang haqida nimalar dedi?

Madison Square Garden arenasida o'tkaziladigan boks oqshomi Amerikaning mashhur TopRank promouterlik kompaniyasi tomonidan tashkil etilmoqda. Markaziy jang ukrainalik sobiq jahon chempioni Vasiliy Lomachenko hamda Richard Kommi o'rtasida o'tkaziladi. 

Ikki bokschi ertangi jang oldidan rasmiy matbuot anjumani hamda ko'z urishtirish marosimida hozir bo'lishdi. Lomachenko jang haqida gapirar jkan, Madison Square Garden o'zi uchun faoliyatidagi eng qadrli, etiborga molik joy ekanini urg'uladi.  

"Faoliyatimda esda qolarli janglar ko'p bo'lgan. Ertangi jangim ham aynan shunday toifadagi to'qnashuvlardan biriga aylanadi. Jangni sabrsizlik bilan kutyapman. Kommi kuchli jangchi, unda katta yurak bor. O'ylaymanki, biz ertaga muxlislarga ajoyib boks oqshomini tashkil qilib beramiz", — dedi Lomachenko.