Vazir suv sporti turlari bo'yicha Respublika oliy sport mahorati maktabida bo'ldi

Sportning suzish turlari bo'yicha nufuzli xalqaro musobaqalarga tayyorgarlik jarayonlari bilan yaqindan tanishish, amaliy yordam va tavsiyalar berish maqsadida Sportni rivojlantirish vaziri Adham Ikramov suv sporti turlari bo'yicha Respublika oliy sport mahorati maktabida bo'ldi.

Dastlab vazir sportning regbi turi bo'yicha mashg'ulotlar olib boriladigan O'zbekiston milliy universiteti hududida joylashgan stadion bilan tanishdi. SHu bilan birga Sportni rivojlantirish vazirligi tasarrufidagi yaqinda kapital tamirdan chiqarilgan suv sporti saroyi ham ko'zdan kechirildi.

Mazkur suv havzasida musobaqalarga tayyorgarlik ko'rayotgan yoshlarga yaratilgan shart-sharoitlar o'rganilib, sportchilar bilan samimiy suhbat o'tkazildi.

Qayd etish joiz, suv sporti turlari bo'yicha Respublika oliy sport mahorati maktabida 57 nafar murabbiy faoliyat olib borishadi. SHuningdek, mazkur talim maskanida O'zbekiston milliy terma jamoasiga azo bo'lgan jami 314 nafar sportchi shug'ullanib kelmoqda. 

Tashrif yakunida Sportni rivojlantirish vaziri maktab rahbariyati hamda ishchi xodimlar bilan uchrashib, ish samaradorligini oshirish yuzasidan tegishli ko'rsatmalar berdi.