Velosipedda harakat - O'zbekistonda “Avtomobilsiz kun” akciyasiga start berildi

Ushbu tadbir Vazirlar Maxkamasining  2018 yil 30 avgustdagi “Yo'l harakati xavfsizligi kunini o'tkazish va yo'l transport xodisalari profilaktikasining samaradorligini oshirish chora-tadbirlari to'g'risida”gi 701-sonli qarorida belgilangan vazifaga asosan tashkil etildi.  Mazkur akciya Ichki Ishlar vazirligi, Bosh prokuratura, Ekoharakat hamda O'zbekiston velosiped sporti federaciyasi hamkorligida o'tkazildi. Akciyada vazirlik va idoralar rahbar va xodimlari bilan bir qatorda O'zbekiston velosiped sporti federaciyasi xodimlari faol ishtirok etib, o'z ish joylariga velosipeda keldilar.

Ushbu akciya nafaqat atrof-muxitni muxofaza qiladi, shu bilan birga odamlar orasida sog'lom turmush-tarzini targ'ib etib, yurtimizda velosport turini yanada ommalashiga xizmat qiladi. Bugungi kunda yurtimizda Prezidentimiz tashabbuslari bilan velosiped yo'laklari hamda zamonaviy veloturargohlar barpo etilayotganligi  quvonarli xoldir.

Malumot uchun, ushbu akciya har oyning uchinchi jumasida domiy ravishda o'tkazilib kelinadi.