Velosport. Ikki muhim Memorandum imzolandi

O'zbekiston Velosiped sporti Federaciyasi raisining birinchi o'rinbosari Kozim O'rinboyxo'jaev Osiyo velosport Konfederaciyasi Prezidenti Osama Ahmad Al SHafarning taklifiga ko'ra BAAga xizmat safari uyushtirdi.

Uchrashuv chog'ida O'zbekiston velosiped sporti Federaciyasi va Osiyo velosport Konfederaciyasi, BAA velosiped sporti Federaciyasi o'rtasidagi hamkorlikni kuchaytirish masalalari muhokama qilindi.

SHuningdek, Kozim O'rinboyxo'jaev Yoshlar va sport qo'mitasi raisi Yusuf al Salkar bilan uchrashib, ikki mamlakat o'rtasidagi o'zaro tajriba almashinuvini yo'lga qo'yish borasida ham kelishuvga erishildi.

Uchrashuv davomida Kozim O'rinboyxo'jaev va Osama Ahmad Al SHafar O'zbekiston velosiped sporti Federaciyasi va Osiyo velosport Konfederaciyasi hamda BAA velosiped sporti Federaciyasining hamkorlik to'g'risidagi Memorandumini imzoladilar.

Ushbu Memorandum BAA hamda O'zbekiston velosportchilari o'rtasida ikki tomonlama o'quv-mashg'ulot yig'inlarini o'tkazish, musobaqalarda ishtirok etish, tegishli mutaxassis va ekspertlariga o'quv kurslari, seminar va konferenciyalarda ishtirok etish imkonini beradi.

Bundan tashqari, O'zbekiston terma jamoasining xorijda malaka oshirishi, tajriba almashishi, nufuzli musobaqalarda ishtirok etishini yo'lga qo'yish, murabbiylar uchun xalqaro yig'inlarni tashkil etish bo'yicha ham hamjihatlikda ishlashga kelishib oldilar.

“Osiyo velosport Konfederaciyasi hamda BAA velosiped sporti Federaciyasi bilan imzolangan Memorandum yurtimizda velosiped sportini yanada rivojlanishiga xizmat qiladi, - dedi Kozim O'rinboyxo'jaev.