Verjil Ortis - Erikson Lyubin: UFC`dagi nokautlar boksda ham davom etdi

AQSHning Texas shtati Fort-Uert shahridagi "Dickies Arena"da o'tgan professional boks turnirining asosiy jangi biroz kutilmaganda muddatidan avval yakuniga etdi. Lyubin Ortisga qarshi jang uchun IBF kamari uchun ringga chiqishdan voz kechgandi. Ikkinchi raundda Verjil o'ng qo'lda berilgan kuchli zarbalar evaziga Lyubinni muvozanatdan chiqardi. Referi bu vaziyatda jangni to'xtatishga qaror qildi. 

Bundan avvalgi jangida hamyurtimiz Isroil Madrimovni 12 raund yakunlariga ko'ra ochkolar hisobi bo'yicha g'alaba qozongan amerikalik 27 yoshli Ortis ayni paytda birinchi o'rta vazn toifasi The Ring reytingida birinchi o'rinni egallab turibdi. U reytingda o'z vaznidagi qolgan barcha yo'nalish chempionlarini ortda qoldirgan. 

Bugungi jang yakunlanganidan keyin ushbu vaznda vaqtinchalik WBA chempioni Jeyron Ennis ringga ko'tarilib, kelasi yili Ortis bilan jang qilishga rozi ekanini bildirdi. 

Bugungi boks oqshomining ahamiyati jihatidan ikkinchi jangi kutilmaganda durang natija bilan yakunlandi. Ikkinchi o'rta vazn vakillari Dariush Fuldjam va Devid Stivens 10 raund davomida teng jang namoyish etishdi. Hakamlar jang yakunida 95-95, 95-95, 96-94 hisobini qayd etishdi. Ikkala bokschi ham avvalgi janglarida hamyurtimiz Bektemir Meliqo'zievga yutqazgandi.