Vladimir Mineev va Ivan SHtirkov o'rtasida "rus klassika"si bo'lib o'tdi

Oqshom doirasida rossiyalik Vladimir Mineev 93 kilogrammgacha vazn toifasida o'ziga tegishli chempionlik kamarini hamyurti Ivan SHtirkovdan himoya qildi. Kikboksing qoidalari asosida o'tkazilgan uch raundlik jang to'liq davom etdi va g'olib ochkolar hisobiga ko'ra aniqlandi. 

Yakunda Mineev 30-29, 30-27, 30-27 hisoblarida g'alaba qozonib, chempionlik kamarini muvaffaqiyatli himoya qildi. Vladimir Mineev o'rta vaznda AMC Fight Nights kamarini ham o'zida saqlab turibdi. U kechagi jangdan keyin bergan intervyusida Ivan SHtirkovga aralash qoidalar asosida o'tkaziladigan revansh jangini intizorlik bilan kutayotganini aytdi.