Volkanovskidan ajoyib qaytish: Rodrigesni taslim etdi va yosh gruziyalikni jangga chorladi. Unga raqib bormi?

Jang ajoyib tarzda o'tdi. Volkanovski garchi Maxachevga mag'lub bo'lgan bo'lsa-da, divizion etakchisi bo'lib qolishini ko'rsatdi. Rodriges diviziondagi eng yaxshi davogar emas edi, biroq jadvalda yuqori turgani uchun aynan uning nomzodi ilgari surildi. 34 yoshli Aleksandr divizion afsonalaridan biri hisoblanadi. U ketma-ket 12 ta jangda g'alaba qozongan va 4 marta chempionlik kamarini himoya qilgan. O'z divizionini tozalagandan keyin Volkanovski yangi vazifa uchun engil vaznga ko'chib o'tdi. Ushbu vaznda u Islam Maxachevga engildi, biroq R4R reytingida dog'istonlik jangchidan yuqorida turibdi. 

Avstraliyalik sportchi universal chempiondir. U barcha poziciyalarda mohirona ishlay oladi. Masalan, raqibga moslashadi, o'zi ham yaxshi jang qiladi (himoyada ham, hujumda ham), jang davomida engil nafas olib yuradi. Aleksning deyarli zaif tomonlari yo'q. Bu jihatlar uni Joze Aldo bilan birga yarim engil vazn toifasining eng katta jangchisiga aylantirdi. Yair Rodriges – nostandart uslubi bilan ommaga tanilgan sirli jangchi. 2020 yilda u yana bir yorqin jangchi Zabit Magomedsharipov bilan “duel”ga chiqishi kerak edi, ammo jang bir necha marotaba barbod bo'ldi. Keyinchalik Zabit faoliyatini yakunladi, natijada Rodriges ikki yil jangsiz qolib ketdi. 

Uzoq muddatli tanafussdan so'ng Yair qaytdi va Maks Xolloueyga yutqazib qo'ydi. Mag'lubiyatdan keyin Ortega va Emmett ustidan zafar quchdi. Bu natijalar davogar jangchi uchun yaxshi rezyume emas, biroq endi ko'tarilayotgan Evloev va Topuriyadan ko'ra, aynan meksikalik varianti yaxshiroq edi. Jang davomida Yair nostandart harakatlar qildi va ko'p bora bo'shliqlar hosil qilib qo'ydi. Volkanovski ulardan foydalandi va uchunchi raundda uni “tiz cho'ktirdi”. 

Yairning texnikasida juda ko'p teshiklar bor - shuning uchun u katta o'yinchi edi. Hatto barabanchi Xollouey ham Rodrigesni osonlikcha tarjima qildi, faxriy Emmet esa qattiq zarba berdi. Ammo Yairning nostandartligi plyus deb ataldi - xuddi Toni Fergyuson Xabib bilan muvaffaqiyatsiz jang oldidan bo'lgani kabi. Rodrigesning texnikasida etarlicha “teshiklar” mavjud. SHuning uchun, u katta jangchi emas. Hatto “barabanchi” Xollouey ham uni osonlik bilan yutgandi. “Meni noto'g'ri tushunmang. Volkanovskiga shubha qilishi juda qiyin, lekin Yair oktagonga oldindan aytib bo'lmaydigan omilni olib kirdi va uni bu bahsda qila oladigandek his qildi. Bu – sport! Unda hamma narsa sodir bo'lishi mumkin”, deydi Aljameyn Sterling. 

Jangchilarning bo'yidagi (168 va 180 sm) farqiga qaramay, Aleksning qo'l oralig'i kattaroq edi  (182 va 180 sm). Aynan qo'l omili avstraliyalik jangchiga yordam berdi, Rodrigesning uzun bo'yi unga noqulayilik tug'dirmadi. Dastlabki raundda u Yairni parterga yotqizib olishga urindi. Rodriges oyog'ini ko'p ishlatadi va uni tutib olish Aleksandrga u qadar qiyin bo'lmadi. Ikkinchi raundda Rodriges odatdagidek davom etdi, bo'ydagi ustunlikdan foydalanish o'rniga, yana tepdi. Volkanovski barchasini nazorat qilib borayotgandi, oradagi masofani keskin kamaytirdi va raqibni yana erga tortdi. 

Uchinchi raundga kelib, meksikalik jangchining yuzi qon va gematomalarga to'lib ketgandi. U sekinlashdi, tepishlaridagi avvalgi vajohat ham so'ngandi. Rodriges Aleksga qarshi hujumga o'tganida manzilga aniq bormagan zarbalar sababli biroz muvozanatini yo'qotdi hamda “o'ljasini kutib yotgan sher” kabi Volkanovski unga tashlandi. Raqibini ko'tarib, erga otdi va zarbalar “yomg'iri” bilan siyladi. Aleksandr haqiqiy chempion. U o'zi uchun berilgan barcha imkoniyatlardan foydalanib kelmoqda. SHuningdek, Islam bilan revansh jang ham talab qilmoqda. Qolaversa, Topuriya va Evloev bilan bo'lajak janglarni intiqlik ila kutyapti.

Xorijiy saytlar asosida Xabib Jo'raboev tayyorladi