WBA bitta vazn toifasini "muomala"dan chiqardi

Bu bridjerveyt, yani superog'ir vazn toifasidan avvalgi og'irlik kategoriyasi (101,6 kg) hisoblanadi. WBA bridjerveyt vazn toifasini tan olishni to'xtatishini elon qildi. Ushbu vaznda avval ruxsat etilgan qolgan janglar o'tish davri doirasida o'tkaziladi. SHundan so'ng WBA bridjerveytdagi janglarga ruxsat bermaydi", - deyiladi WVAning ijtimoiy tarmoqlarda elon qilgan xabarida.

Vazn bekor bo'lishi ortidan rossiyalik bokschilar Muslim Gajimagomedov va Vartan Arutyunyan WBA bridjerveyt bo'yicha chempionlik kamaridan mahrum bo'ldi. 29 yoshli Muslim 2024 yilda ushbu vazn toifasida WBA chempionligini qo'lga kiritgan va ikkita muvaffaqiyatli himoyani amalga oshirgan. Avvalroq u majburiy davogar Xulio La Kruz bilan uchrashishi mumkinligi xabar qilingandi.

26 yoshli Vartan Arutyunyan esa joriy yilning fevral oyida brijerveytda vaqtinchalik WBA chempionlik kamarini qo'lga kiritgan edi. 101,6 kg gacha bo'lgan vazn toifasi 2020 yilda WBC tashabbusi bilan qo'shilgandi. U birinchi og'ir va superog'ir divizionlar o'rtasida oraliq vazn kerak, degan qaror bilan joriy qilingan edi. WBA 2023 yilda yangi divizionni tan oldi. WBO va IBF hozircha 101,6 kilogrammgacha bo'lgan yangi vazn toifasini tan olmagan.

Yangi vaznni tan olishni rad etish sababi malum qilinmagan.