15 noy 15:55
Yangiliklar

Boks/MMA

⚡️ WBA tashkiloti Otabek Xolmatov va Raymond Ford ishtirokidagi chempionlik jangi uchun promouterlik savdosini elon qildi

Butunjahon boks assosiaciyasi (WBA) qo'mitasi yarim engil vazn toifasida vakant bo'lib turgan chempionlik jangi uchun o'zbekistonlik Otabek Xolmatov hamda amerikalik Raymond Ford jangiga buyruq bergan edi.

Tashkilot matbuot xizmatining xabar berishicha, 27 noyabr kuni ushbu jang uchun promouterlik savdosi o'tkaziladi.

Malum bo'lishicha, jang uchun minimal taklif miqdori 120 000 dollardan iborat va mazkur summa bokschilarga teng taqsimlanadi.

Eslatib o'tamiz, yarim engil vaznning amaldagi WBA chempioni Li Vud o'tgan oy o'z kamarini vakant qoldirib, boshqa divizionga ko'tarilgandi. SHu sababli, endi Otabek Xolmatov reytingda ikkinchi o'rinda turgan Raymond Ford bilan jang o'tkazadi.

Hamyurtimiz ishtirokidagi chempionlik jangi 2024 yilning yanvar oyida o'tkazilishi taxmin qilinmoqda.