WKF prezidenti milliy federaciyalar bilan onlayn uchrashuvlar o'tkazdi

Unda COVID-19 pandemiyasining karate sportiga tasiri va unga qarshi kurashish chora-tadbirlari haqida gapirib o'tdi. Uch kun davom etgan mazkur uchrashuvlarda 80 ga yaqin milliy federaciyalar vakillari ishtirok etdi.

Espinos pandemiya davrida sportni saqlashda barcha azolarning birligi va hamjihatligi muhim ahamiyat kasb etishini takidladi.

«May oyida bo'lib o'tgan birinchi uchrashuvdan so'ng va bugun har biringizni diqqat bilan tinglaganimizdan keyin, menda karate dunyosi bir necha oy oldingi holatidan ko'ra hozir ancha yaxshi ahvolda ekanligi haqida taassurot paydo bo'ldi. Barchangizdan ushbu ajoyib fikr va mulohazalarni qabul qilishdan mamnunman. Sportimiz rivojiga qo'shgan salmoqli hissangiz uchun barchangizga minnatdorchilik bildiraman»- dedi WKF prezidenti.

Antonio Espinos kun tartibidagi yana bir masala – karateni rivojlantirish va ommalashtirish masalasiga to'xtalib o'tdi. SHuningdek, uchrashuvda musobaqalarni qayta boshlash uchun turli takliflar ham muhokama qilindi. Yakunda yil oxirigacha yana bir onlayn uchrashuv o'tkazishga kelishib olindi.

«Butun karate oilasi sevimli sportimizning qaytishini kutmoqda», – deya qo'shimcha qildi Espinos. «Biz kutgan vaqt, albatta, keladi. Bizning sportchilarimiz va vakillarimiz barchani ilhomlantirishda davom etadilar. Muxlislarimiz va manfaatdor tomonlarga sevimli sportimizning qadriyatlari, birdamligi va unga bo'lgan fidoyilikni nishonlash imkoniyatini taqdim etish bizning vazifamizdir. Ishonchim komilki, birgalikda va ishtirok etayotgan barcha tomonlarning say-harakatlari bilan tez orada faoliyatimizni davom ettirishimiz mumkin bo'ladi. Sportchilarimiz vaziyat barqarorlashi bilan musobaqalarga qaytishadi».