Worldtaekwondofederation.net SHokinni favorit deb atadi

Xalqaro taekvondo federaciyasining rasmiy sayti xisoblangan ushbu saytda kattagina tahliliy maqola chop etilgan bo'lib, unda aynan amaldagi jahon chempioni Dmitriy SHokinning Olimpiada chempionligi uchun imkoniyati yuqori baholangan.

Ushbu maqolada SHokinning qisqa fursatda olamshumul yutuqlarni qo'lga kiritgani aytiladi. Dima 2014 yili Toshkentda o'tgan Osiyo chempionati, 2015 yili Rossiyaning CHelyabinsk shahri mezbonlik Jahon chempionatida oltin medalni qo'lga kiritdi.

O'zi ishtirok etgan deyarli barcha Gran-pri turkumiga kiruvchi musobaqalar, shuningdek, Masterslarda g'oliblik shoxsupasiga ko'tarildi. SHokin 2015 yilning aprel oyidan to shu kungacha o'z vazn toifasida dunyo taekvondochilari reytingini boshqarib kelyapti.

Saytda hamyurtimizni Dmitriy “Shock Force” Shokin deb atashibdi. Yana saytda SHokinga shunday tarif beriladi:

Despite his formidable physical presence, Shokin is one of the most modest athletes in the game and was at the center of an unfortunate situation on the road to Rio.

Afsuski, reytingda kuchli oltilikdan joy olgan yana bir hamyurtimiz jahon vice-chempioni Jasur Boyqo'ziev Rio Olimpiadasida ishtirok etmaydi. Qoidaga ko'ra, bir vazn toifasida bitta davlatdan birgina sportchi to'rt yillikning eng nufuzli musobaqasida ishtirok eta oladi, xolos. SHunisi aniqki, Jasur ham Rioga borganida sovrindorlar qatorida bo'lardi. 

Fursatdan foydalanib, Dmitriy SHokinga omad tilab qolamiz!