WTA reytingi. Iga hamon peshqadam, Top-10`da bir o'zgarish, Abduraimova o'z o'rnida

Ayol tennis malikalari reytingini hamon katta farq bilan polshalik Iga Svyontek boshqarib bormoqda. Undan deyarli 6000 ochko kam jamg'argan tunislik Ons Jaber ikkinchi o'rinni saqlab qoldi. Kuchli uchlikka amerikalik Jessika Pegula yakun yasagan. Top-10`talik reytingda bitta o'zgarish kuzatildi. Adelaida turniri g'olibasi, shveycariyalik Belinda Benchich Top-10`ga kirib oldi. 

Mamlakatimizning birinchi raketkasi Nigina Abduraimova o'tgan haftadagi o'rnini (176-pog'ona) saqlab qoldi. Hamyurtimiz Avstraliya Ochiq chempionatining saralash bahslarida ishtirok etdi va ikkinchi davrada imkoniyatni boy berib qo'ygandi. Sevil Yo'ldosheva 2 pog'onaga pastlagan bo'lsa, Milana Maslenkova aksincha bir o'ringa ko'tarildi.      

WTA reytingi. 16 yanvar kungi holat

1. (1) Iga Svyontek (Polsha) - 11025 ochko

2. (2) Ons Jaber (Tunis) - 5140

3. (3) Jessika Pegula (AQSH) - 5000

4. (4) Karolin Garsiya (Franciya) - 4415

5. (5) Arina Sobolenko (Belarus)- 4340

6. (6) Mariya Sakkari (Greciya) - 3921

7. (7) Kori Goff (AQSH) - 3762

8. (8) Darya Kasatkina (Rossiya) - 3500

9. (9) Veronika Kudermetova (Rossiya) - 2800

10. (13) Belinda Benchich (SHveycariya) - 2735...

O'zbek tennischilarining WTA reytingidagi o'rni:

176 (176). Nigina Abduraimova - 362

1026 (1024). Sevil Yo'ldosheva - 13

1254 (1255). Milana Maslenkova - 4...