09 okt 18:38
Yangiliklar
Xabib Nurmagomedov: Keyingisi kim?
Endi u navbatdagi jangini kimga qarshi o'tkazishi ko'plab muhokamalarga sabab bo'lmoqda. Hozircha uchta variant bu borada ehtimolga yaqinroq bo'lib turibdi.
Toni Fergyuson
Bunga eng yaqin variant engil vazndagi taniqli sportchilardan biri Toni Fergyusondir. U anchadan beri chempionlik jangini o'tkazishga loyiq. Biroq, jarohatlar Toniga halal berib kelmoqda. Bungacha uning Xabibga qarshi o'tkazilishi lozim bo'lgan to'rtta jangi bekor qilingan.
Jor Sen-Per
SHuningdek, Nurmagomedov kamarni ilk marotaba qo'lga kiritganida Jor Sen-Perga qarshi jang qilish istagi borligini aytib o'tgandi. To'g'ri, u nisbatan og'irroq vazn toifasidagi divizionda jang qiladi. Biroq, Xabib bilan jang uchun u vaznini kamaytiradi.
Konorga qarshi revansh
Irlandiyalik sportchi revanshga tayyor ekanligini aytib o'tgandi. Biroq, endi Nurmagomedov bunga rozi bo'ladimi? UFCning o'ziga bu kerakmi? Nazorat qilish qiyin bo'lgan ikki sportchini yana oktagonga tashlash navbatdagi tartibsizliklarga sabab bo'lishi mumkin. Biroq, ishlab olinishi mumkin bo'lgan mo'maygina pul revansh tashkil etishga sabab bo'lishi mumkin.
Xorij saytlari asosida tayyorlandi
Fikrlar