05 may 11:28
Yangiliklar
Boks/MMA
Xalqaro Olimpiya qo'mitasi boksni Olimpiada-2020 dasturidan olib tashlamoqchi
Xalqaro Olimpiya qo'mitasi yana bir bor boks sport turini 2020 yili Tokioda o'tkaziladigan Yozgi olimpiya o'yinlari dasturidan olib tashlash haqida po'pisa qildi.
Tashkilot shu haftada havaskor boks faoliyatini ko'rib chiqib, undagi noxolis hakamlikka tanqidiy fikr bildirdi. Bu bilan Xalqaro havaskor boks associaciyasining ishini qoniqarsiz baholadi.
SHu tariqa, boksni Olimpiada-2020 dasturidan olib tashlash masalasi ochiqligicha qoldi. SHu yili Argentinaning Buenos-Ayres shahrida o'tkaziladigan Yozgi o'smirlar Olimpiadasi dasturidan o'rin olgan boks musobaqasi hakamlik xolis va ochiqlik asosida o'tkazilish sharti bilan qoldirildi.
Eslatib o'tamiz, shu yilning fevral oyida Xalqaro Olimpiya qo'mitasi rahbari Tomas Bax Xalqaro havaskor boks associaciyasining faoliyatini keskin tanqid qilib, ishni to'g'ri yo'lga qo'yish bo'yicha 30 aprelgacha muxlat bergandi.
Havola :
Fikrlar