Xalqaro taekvondo ITF federaciyasi ikki nafar hamyurtimizni yuksak maqomga munosib ko'rdi

Bosh qarorgohi Avstriyaning Vena shahrida joylashgan ushbu nufuzli sport tashkiloti O'zbekiston taekvondo ITF Milliy associaciyasining prezidenti Laziz Hasanovni 7-DAN (master) qora belbog' hamda Xalqaro toifadagi instruktor sertifikatlari bilan mukofotladi.

SHuningdek, Xalqaro taekvondo ITF federaciyasi tomonidan yana bir hamyurtimiz, O'zbekiston taekvondo ITF Milliy associaciyasining Buxoro viloyati bo'limi rahbari Ubayt Mukarramovga 6-DAN qora belbog' hamda Xalqaro toifadagi instruktor sertifikati topshirildi.

Takidlash joiz, joriy yil 25 avgust kuni Xalqaro taekvondo ITF federaciyasining xalqaro onlayn seminari o'tkazilgan va unda o'zbekistonlik mutaxassislar ham ishtirok etishgandi. Bugun hamyurtlarimizga tegishli sertifikatlar O'zbekistonga etib keldi.

Sportchi yoki trener Xalqaro taekvondo ITF federaciyasining 7-DAN darajasini olishi uchun ushbu sport turida kamida 30 yil faoliyat olib borgan bo'lishi lozim. Laziz Hasanov esa 31 yildirki ushbu sport turini O'zbekistonda ommalashtirish yo'lida jonbozlik ko'rsatib kelmoqda.

Bu esa yurtimizda nafaqat Olimpiya sport turlari, balki noolimpiya va milliy sport turlarini rivojlantirishga ham alohida etibor qaratilayotganidan dalolat beradi.