Xamzat CHimaev - Paulo Kosta jangi Abu-Dabida o'tkaziladi(mi)?

Gap Xamzat CHimaev va Paulo Kosta o'rtasidagi jang haqida ketmoqda. Bu haqda o'rta vazn toifasida UFC chempionlik kamari uchun sobiq davogar bo'lgan Kostaning o'zi xabar berdi.

Braziliyalik aralash yakkakurash ustasining so'zlariga qaraganda, u UFC bilan yangi shartnoma bo'yicha kelishib olgan. Kosta oldida ikkita taklif bor – may oyida SHon Striklend yoki oktyabrda Xamzat CHimaevga qarshi jang o'tkazish.

"To'g'ri, hali shartnoma imzoladim, lekin UFC bilan masalaning moliyaviy tomonlari bo'yicha kelishib oldik. Bu oson bo'lmadi, ammo biz uddaladik. UFC CHimaev bilan jang har qanday holatda ham o'tkazilishini xohlamoqda. Men esa har ikki jangning o'tkazilish tarafdoriman", - dedi Kosta.

Eslatib o'tamiz, 31 yoshli Paulo Kosta fevral oyida UFC bilan shartnoma bo'yicha so'nggi jangini Robert Uittakerga qarshi o'tkazishi kerak edi. Lekin Paulo pul masalasida kelisha olmagani uchun UFC 284 turnirida jang qilishdan bosh tortgandi.