XOQ O'zbekistonda nishonlangan “Olimpiya kuni”ga yuqori baho berdi

SHu jumladan, yurtimizda ham. ZOOM platformasi orqali nishonlangan mazkur tadbir videolavha shaklida XOQga yuborildi. O'z navbatida, Xalqaro Olimpiya qo'mitasi mamlakatimizda nishonlangan tadbirga yuqori baho berdi va bu borada ko'rsatilgan tashabbus uchun tashakkurnoma jo'natdi. Xususan, unda shunday deyiladi:

“Hurmatli janob SHoabdurahmonov,

XOQ prezidenti Tomas Bax Sizning 2020 yil 22 iyun kuni yo'llagan maktubingizni katta qiziqish bilan o'qidi. Fursatdan foydalanib, Sizga XOQ rahbari nomidan minnatdorchilik bildirishga ijozat bergaysiz.

Hozirgi murakkab davrda Sizning rahbarligingizdagi MOQ o'tkazgan «Olimpiya kuni» bayramini nishonlash mashaqqatli ish. Mening jamoam Siz yuborgan videolavhani butun dunyodagi Milliy olimpiya qo'mitalarini ilhomlantirish maqsadida NOCnet platformasiga joyladi.

Mamlakatingiz sport va Olimpiya qadriyatlarini targ'ib qilish bo'yicha amalga oshirayotgan say-harakatlarida yoshlarga alohida etibor qaratib, Olimpiya yo'riqnomasi-2020da ko'rsatilgan takliflarga to'liq rioya qildi. SHundan kelib chiqqan holda Siz va butun MOQ jamoasini samimiy qutlashga ijozat bergaysiz.

Men hamkorligimizning keyingi bosqichlarini ham katta qiziqish bilan kutib qolaman«.

Hurmat bilan,

Jeyms Makleod
XOQ Xalqaro aloqalar departamenti va «Olimpiya
birdamligi» dasturi direktori

Takidlash joiz, mamlakatimizda nishonlangan “Olimpiya kuni” haqidagi maqola XOQning 10 iyul kuni chop etilgan elektron haftalik nashridan ham o'rin olgan edi.