Xorazmda gimnastika bo'yicha O'zbekiston ochiq chempionati bo'lib o'tdi

O'zbekiston Jismoniy tarbiya va sport vazirligi va Gimnastika federaciyasi hamkorligida tashkil etilgan musobaqada yurtimizning turli hududlaridan tashrif buyurgan 17 ta jamoadan 500 nafarga yaqin gimnastikachilar olti nominaciyadagi medallar uchun bahsga kirishdilar.

Uch kun davom etgan musobaqada 14 yoshgacha bo'lgan qizlar, aralash va 45 yoshdan yuqori bo'lgan ayollar jamoalari tayyorlagan kompoziciyalar ijro mahorati, raqs va gimnastika elementlarini bajarish qobiliyati bo'yicha baholandi.

Musobaqa ishtirokchilari orasida gimnastika bilan muntazam shug'ullanayotgan sportchilar bilan birga maktab va kollejlar o'quvchilari, uy bekalari, korxona va tashkilotlar xodimlari ham borligi gimnastika aholining barcha qatlamlari o'rtasida keng ommalashayotganidan dalolatdir.

“Yoshlik” (Xorazm), “SHumtakalar” (Jizzax), “Yangi kun” (Nukus), “Star” (Samarqand), “Do'stlik” (Andijon), “Bog'ishamol” (Navoiy) va “SHo'x qizlar” (Jizzax) jamoalarining chiqishlari muxlisu mutaxassislar tomonidan yuqori baholanib, turli nominaciyalar bilan taqdirlandi.

Musobaqa bosh sovrini – O'zbekiston gimnastika federaciyasi kubogini poytaxtning “Evikids” jamoasi qo'lga kiritdi.