Xorxe Masvidal qaytmoqda!

Eng tezkor nokaut sohibi bo'lgan aralash yakkakurash ustasi oktagonga qaytib, faoliyatini tiklash haqida o'ylab qoldi. Bu haqda sobiq ko'cha jangchisining o'zi ijtimoiy tarmoqdagi sahifasida muxlislariga aytgan. 

"Nafaqaga tamomila chiqilmagan", - deya gapirgan Masvidal.

Eslatib o'tamiz, 2019 yilning iyul oyida Xorxe Masvidal UFC tarixidagi eng tezkor nokaut sohibiga aylangandi. O'shanda u jangning beshinchi soniyasidayoq Ben Askrenni tizza zarbasi bilan chuqur nokautga uchratgan edi. SHundan so'ng u Neyt Diasni ham mag'lubiyatga uchratib, BMF kamarini qo'lga kiritgandi. Keyin esa ketma-ket 4 ta mag'lubiyatni qabul qilib oldi. Mag'lubiyatlarning ikkitasi Kamaru Usmanga qarshi kechgan janglarga to'g'ri keladi.

O'tgan yilning aprel oyida Gilbert Bernsga yutqazgan 39 yoshli Xorxe Masvidal professional faoliyatini yakunlaganini elon qilgandi. Ikki oy oldin Xorxe Kolbi Kovingtonga hujum qilgani uchun qamoq jazosidan qutulib qolgan edi.