Xurshid Tojiboev yangi promoushen bilan shartnoma imzoladi

Havaskor boksda Osiyo chempioni, Olimpiya o'yinlari ishtirokchisi bo'lgan Tojiboev prof ringda 6 ta jang o'tkazib, barchasida g'alaba qozongan. Uchta jangini muddatidan avval yakunlagan. 

So'nggi jangini Qozog'istonning Almati shahrida tashkil etilgan boks oqshomida rossiyalik Pavel Malikovga qarshi jang o'tkazgandi. O'shanda 10 raundga mo'ljallangan jangning to'rtinchi raundida bahs to'xtatilgandi. O'tkazib yuborilgan zarbalar natijasida ko'zidan jarohat olgan Pavel Malikov mag'lubiyatini tan olgan edi. 

Hozircha Xurshid Tojiboevning yangi promouterlik kompaniyasidagi ilk jangi qachon va qaerda bo'lishi nomalum. 

"In SHa Alloh, tez orada muxlislarimiz uchun yaxshi yangilik bo'lishi kerak", - deydi Tojiboev.