Xushxabar. O'zbekiston erkaklar terma jamoasi ham jahon chempionatida ishtirok etadi

ITTF CC 2022 yilgi stol tennisi bo'yicha jamoaviy jahon chempionatiga qo'llaniladigan saralash tizimiga ovoz berdi. SHu tariqa, hozirga kelib 33 ta terma jamoaning nomi aniq bo'lgan jahon birinchiligida O'zbekiston erkaklar terma jamoasi Osiyoning 11-raqamli jamoasi sifatida qatnashish huquqini qo'lga kiritdi.

Terma jamoamizning bu huquqqa ega bo'lishida ITTF ijroiya qo'mitasining ovozi muhim rol o'ynadi. Ovoz berish jarayonida qita federaciyalari prezidentlaridan iborat Kengash azolari ishtirok etdi.

Bu yil qitalararo tanlov o'tkazish imkoniyati yo'qligi sababli qolgan o'rinlarni qanday taqsimlash bo'yicha bir qancha takliflar bildirildi.

Ushbu taklif berilishiga sabab agarda reyting bo'yicha yo'llanmalar taqsimlanganida, deyarli barcha o'rinlar Evropa qitasiga o'tib ketar edi. SHu sababli ham ITTF CC ovoz berish jarayonida har bir qitaga reyting bo'yicha bittadan joy berishga qaror qildi.

Eslatib o'tamiz, ovoz berish jarayonida federaciya raislaridan tashqari qita kengashlarning ko'plab azolari ishtirok etdi. Bundan ko'zlangan maqsad esa hech qanday iltimos va korrupciyaga yo'l qo'ymaslik edi.