Yan Blaxovich jang vaqtida bitta ko'zi ko'rmay qolganini aytdi

"Bu birinchi raunddagi dastlabki zarbalardan biri edi. Bu meni bezovta qildi. CHunki, bu judayam halal berdi. Men xech narsani ko'rmay qoldim. Birinchi raundda chap ko'zim ko'rmay qoldi, chunki qon oqayotgandi, shuning uchun uni muntazam ravishda artib turdim. Ikkinich raundda yana o'sha joyga urib qolishidan qo'rqdim. Ammo diqqatim jamlangan edi va barchasiga tayyor edim. 

Biroz hayajonlandim, ammo jarohat haqida o'ylamadim. O'sha joyga zarba tushib qolmaslik uchun himoyalanishga urindim. Bundan tashqari, birinchi va ikkinchi raund oralig'ida shifokorning nigohidan men bilan u qadar yaxshi bo'lmagan holat bo'layotganini sezdim. Ammo ikkinchi shifokor keldi va "Barchasi joyida, u jang qilishi mumkin" dedi", - dedi Blaxovich.