Yan Blaxovich MMAdagi faoliyatini yakunlaganidan so'ng qaysi sport turi bilan shug'ullanishini aytdi

Blaxovichning so'zlariga ko'ra, u hozircha ketish niyatida emas, ammo ketganidan so'ng o'zini qoyalarga chiqish sport turida sinab ko'rmoqchi.

"Aytishim mumkinki, bitta jangdan ko'ra ikkita jang o'tkazish yaxshiroq. Buni eshitish yoqimli, to'g'ri, lekin boshqa tomondan olib qaraganda, janglardan boshqa narsa bilan shug'ullanmoqchiman. Menga MMA yoqadi, bu mening hayotdagi o'rnim, men uni yaxshi ko'raman.

Biroq kun kelib ketishimni bilaman. MMAdan keyin ham nimadir bilan shug'ullanishim kerak. Lekin u adrenalinga to'la bo'lishi kerak. SHuning uchun men cho'qqiga chiqish sporti bilan shug'ullanishni boshlamoqchiman", - deya Blaxovichning so'zlarini keltiradi MMA Rocks nashri.

Blaxovich so'nggi jangini joriy yil may oyida Aleksandr Rakichga qarshi o'tkazib, g'alaba qozongan. Uning navbatdagi jangi qachon va kimga qarshi bo'lishi hozircha aniq emas.