Yana bir o'zbekistonlik murabbiy xorijda ish boshladi + FOTO

Abror Tursunpo'latov Rio Olimpiadasi chempioni Fazliddin G'oibnazarovning murabbiyi hisoblanadi va ko'pchilik u kishini shu orqali yaxshi taniydi. Rossiyalik Sergey Kovalyov aynan Abror Tursunpo'latov qo'l ostida jahon chempioni bo'lgan edi. 

"Ikki hafta oldin Mo'g'uliston terma jamoasi bosh murabbiyi sifatida ish boshladim. Menga avvalgi bosh murabbiy yordam beradi. Bir vaqtning o'zida ayollar terma jamoasiga ham masul bo'laman. To'g'ri, u erda katta murabbiy bor. Lekin masullik mening zimmamda. Hozir Ammanga Osiyo chempionatida ishtirok etish uchun keldik. Erkaklar terma jamoasi tarkibi 9, ayollar jamoamiz 8 bokschidan iborat. Oldimizga qo'yilayotgan asosiy vazifa bu - Parij-2024 Olimpiadasi bo'ladi", - dedi saytimizga bergan intervyusida Tursunpo'latov. 

Malumot uchun, ayni paytda o'zbekistonlik boks murabbiylaridan Vladimir SHin Yaponiya, Hasan Muhammedov BAA terma jamoasi bosh murabbiyi sifatida faoliyatini davom ettirmoqda. Sidney Olimpiadasining bronza medali sovrindori Rustam Saidov esa yaqinda Malayziya terma jamoasi bosh murabbiyi bo'lib ishlab keldi.